കോഴിക്കോട്: തലശ്ശേരി അതിരൂപത ആർച്ച് ബിഷപ്പ് ബഹു. മാർ ജോസഫ് പാംപ്ലാനി മർകസിലെത്തി കാന്തപുരം എപി അബൂബക്കർ മുസ്‌ലിയാരുമായി കൂടിക്കാഴ്ച്ച നടത്തി. നിലവിലെ സാമൂഹ്യ സാഹചര്യത്തെയും, ഇരു മതങ്ങൾക്കിടയിലെ സൗഹാർദ്ദത്തെയും കുറിച്ച് ഇരുവരും സംസാരിച്ചു. വ്യത്യസ്ത സാമുദായിക പശ്ചാത്തലത്തിൽ നിന്നുള്ളവരുടെ ഇത്തരം കൂടിക്കാഴ്കകൾ സമൂഹത്തിന് നല്ല സന്ദേശം നൽകുമെന്നും അടുത്തിടെയായി ന്യൂനപക്ഷ വിഭാഗങ്ങൾക്കിടയിൽ അസ്വസ്ഥതയുണ്ടാക്കാൻ  ചിലർ നടത്തുന്ന ശ്രമങ്ങളെ  തടയിടാൻ എല്ലാവരും രംഗത്തിറങ്ങണമെന്നും അഭിപ്രായപ്പെട്ടു.  ന്യൂനപക്ഷ സമുദായങ്ങൾക്കിടയിൽ കാലങ്ങളായി നിലനിൽക്കുന്ന ഐക്യവും നന്മയും കൂടുതൽ സജീവമാക്കാൻ വിവിധ ഉദ്യമങ്ങൾക്ക് തുടക്കമിടുമെന്നും ഇരുവരും പ്രസ്താവിച്ചു. എസ് വൈ എസ് സംസ്ഥാന പ്രസിഡന്റ് ഡോ. മുഹമ്മദ് അബ്ദുൽ ഹകീം അസ്‌ഹരിയും സന്നിഹിതനായിരുന്നു.ർകസ് നോളേജ് സിറ്റിയിൽ ഈമാസം 17 മുതൽ 19 വരെ നടക്കുന്ന അന്താരാഷ്‌ട്ര കാലാവസ്ഥാ ഉച്ചകോടിയുടെ മുന്നോടിയായി നടക്കുന്ന പ്രീസമ്മിറ്റ്‌ ക്യാമ്പയിനിൽ വൃക്ഷത്തൈ നട്ട് ബിഷപ്പ് പങ്കുചേർന്നു.