കാരന്തൂർ: ജാമിഅ മർകസ് പ്രധാന മുദർരിസും സമസ്ത കേരള ജംഇയ്യത്തുൽ ഉലമ സെക്രട്ടറിയുമായിരുന്ന കാന്തപുരം എ പി മുഹമ്മദ്‌ മുസ്‌ലിയാരുടെ (ചെറിയ എ പി ഉസ്താദ്) ആണ്ടിനോടനുബന്ധിച്ച് ജാമിഅ മർകസ് സ്റ്റഡന്റ്‌സ് യൂണിയൻ ഇഹ്‌യാഉസ്സുന്ന അഖില കേരളാ ബുക്ക്‌ ടെസ്റ്റ് മത്സരം സംഘടിപ്പിക്കുന്നു. ഐപിബി പുറത്തിറക്കിയ എ പി മുഹമ്മദ്‌ മുസ്‌ലിയാർ കാന്തപുരം (ആത്മകഥ, ഓർമ, പ്രഭാഷണം, ഫതാവ) എന്ന പുസ്തകത്തെ അടിസ്ഥാനമാക്കിയുള്ള മത്സരം നവംബർ 30 വ്യാഴാഴ്ച കാരന്തൂർ മർകസിൽ വെച്ചാണ് നടക്കുക. 7777, 5555, 3333 എന്നിങ്ങനെയാണ് ആദ്യ മൂന്നു സ്ഥാനക്കാർക്കുള്ള സമ്മാനം. പുറമെ പ്രോത്സാഹന സമ്മാനങ്ങളും ഉണ്ട്. മത്സരത്തിൽ പങ്കെടുക്കാൻ നവംബർ 25 നകം രജിസ്റ്റർ ചെയ്യണം. രജിസ്‌ട്രേഷനും കൂടുതൽ വിവരങ്ങൾക്കും +91 79074 40344, 7902484313 എന്നീ നമ്പറുകളിൽ ബന്ധപ്പെടാവുന്നതാണ്.