മമ്പുറം തങ്ങളുടെ പരമ്പരയില്‍ പെട്ട സാദാത്തുക്കള്‍ സംബന്ധിക്കും...
Markaz Live News
August 01, 2024
Updated
നോളജ് സിറ്റി: മമ്പുറം തങ്ങള്‍ എന്നറിയപ്പെടുകയും മുസ്്‌ലിം ലോകത്തിന്റെ ആത്മീയ നേതൃത്വവുമായ ഖുതുബുസ്സമാന്‍ സയ്യിദ് അലവി തങ്ങളുടെ 186ാം ആണ്ടിനോടനുബന്ധിച്ചുള്ള മമ്പുറം തങ്ങള്‍ അനുസ്മരണവും ഹള്‌റത്തുല്‍ ഫുതൂഹ് ആത്മീയ സംഗമവും നാളെ (വെള്ളി). വൈകിട്ട് ഏഴ് മുതല്‍ ജാമിഉല്‍ ഫുതൂഹില്‍ വെച്ച് നടക്കുന്ന സംഗമത്തില്‍ മമ്പുറം തങ്ങളുടെ പരമ്പരയില്‍ പെട്ട സാദാത്തുക്കള്‍ സംബന്ധിക്കും. രോഗ ശമനം കൊണ്ട് ജനശ്രദ്ധ നേടിയ ഹള്റയില്‍ കേരളത്തിന്റെ വിവിധ ഭാഗങ്ങളില്‍ നിന്ന് നൂറ് കണക്കിന് വിശ്വാസികള്‍ സംബന്ധിക്കും. ഹള്റയില്‍ ഡോ.എ.പി അബ്ദുല്‍ ഹകീം അസ്ഹരി ആമുഖ ഭാഷണം നടത്തും. അബൂബക്കർ അഹ്സനി തെന്നല അനുസ്മരണ പ്രഭാഷണം നടത്തും.
വിഖ്യാത ആത്മീയ സരണിയായ ഖാദിരിയ്യാ ത്വരീഖത്തിലെ ദിക്റുകളും ബൈത്തുകളും ക്രോഡീകരിച്ച ഖാദിരിയ്യ വിര്‍ദുകളാണ് ഹള്റയില്‍ പാരായണം ചെയ്യപ്പെടുന്നത്. പ്രസ്തുത മജ്ലിസിന് ശാഫി ബാഅലവി, സി.പി ശാഫി സഖാഫി എന്നിവര്‍ നേതൃത്വം നല്‍കും.
മർകസിൽ നിന്നുള്ള തത്സമയ അപ്‌ഡേറ്റുകൾ വാട്സാപ്പിലൂടെ അറിയാം
