ഖാനിതാത്: വിറാസ് ഗേള്‍സ് കോണ്‍വെക്കേഷന്‍ ഇന്ന് സമാപിക്കും
വിറാസ് ഗേൾസ് കോൺവെക്കേഷൻ കോൺഫറൻസ് സി. മുഹമ്മദ് ഫൈസി ഉദ്ഘാടനം ചെയ്യുന്നു
Markaz Live News
September 27, 2024
Updated
താമരശ്ശേരി: മര്‍കസ് നോളജ് സിറ്റിയിലെ വിറാസ് ഗേള്‍സിലെ പ്രഥമ സനദ് ദാന സമ്മേളനം -ഖാനിതാത് - ഇന്ന് സമാപിക്കും. രാവിലെ 9 മണിക്ക് കാന്തപുരം എ.പി. അബൂബക്കര്‍ മുസ്ലിയാര്‍ സനദ് ദാന പ്രഭാഷണം നടത്തും. കെ.കെ. അഹ്‌മദ് കുട്ടി മുസ്ലിയാര്‍ കട്ടിപ്പാറ, വി.പി.എം. ഫൈസി വില്യാപ്പള്ളി, ഡോ. ഹുസൈന്‍ സഖാഫി ചുള്ളിക്കോട്, സയ്യിദ് മുഹമ്മദ് തുറാബ് തങ്ങള്‍, സയ്യിദ് അബ്ദുല്‍ ഫതാഹ് അവേലം, ഡോ. മുഹമ്മദ് അബ്ദുല്‍ ഹകീം അസ്ഹരി, സി.പി. ഉബൈദുല്ലാഹ് സഖാഫി, ഡോ. മുഹമ്മദ് റോഷന്‍ നൂറാനി സംബന്ധിക്കും. രണ്ട് മണിക്ക് ആരംഭിക്കുന്ന സമാപന സംഗമത്തില്‍ ശൈഖ റജബ് അസ്സഖാഫ് സനദ് ദാനം നിര്‍വഹിക്കും. സൈനബ് ശൈഖ് അബൂബകര്‍, സയ്യിദത് ശംന ഫാത്വിമ കരുവന്‍തിരുത്തി, മുഹ്‌സിന അബ്ദുല്‍ഹകീം തുടങ്ങിയവര്‍ നേതൃത്വം നല്‍കും.
ഫൈവ് ഇയര്‍ പ്രോഗ്രാം ഇന്‍ ഇന്റര്‍ ഗ്രേറ്റഡ് ഇസ്ലാമിക് സ്റ്റഡീസ്, ത്രീ ഇയര്‍ ബാച്ചിലര്‍ പ്രോഗ്രാം ഇന്‍ ഇസ്ലാമിക് റിവീല്‍ഡ് സയന്‍സ് എന്നീ കോഴ്‌സുകളില്‍ പഠനം പൂര്‍ത്തിയാക്കിയ 32 പണ്ഡിതകളാണ് സനദ് സ്വീകരിക്കുന്നത്. മര്‍കസ് യൂനാനി മെഡിക്കല്‍ കോളേജ്, മര്‍കസ് ലോ കോളേജ് ഉള്‍പ്പെടെ നോളജ് സിറ്റിയിലെ വിവിധ സ്ഥാപനങ്ങളില്‍ പഠിക്കുന്ന വിദ്യാര്‍ത്ഥികള്‍ക്ക് ക്വൂന്‍സ് ലാന്‍ഡ് ആവിഷ്‌കരിച്ച ഇസ്ലാമിക് തിയോളജിയിലുള്ള ഡിപ്ലോമ സ്വന്തമാക്കിയവര്‍ക്കുള്ള സര്‍ട്ടിഫിക്കറ്റുകളും വിതരണം ചെയ്യും.
കോണ്‍വക്കേഷന്‍ സംഗമത്തിന്റെ ഉദ്ഘാടനം സയ്യിദലി ബാഫഖി തങ്ങളുടെ അദ്ധ്യക്ഷതയില്‍ സംസ്ഥാന ഹജ്ജ് കമ്മിറ്റി ചെയര്‍മാന്‍ സി.മുഹമ്മദ് ഫൈസി ഉദ്ഘാടനം ചെയ്തു. ഐ.ഐ.സി.ഒ. ഇന്റര്‍ നാഷണല്‍ റിലേഷന്‍ അഡൈ്വസര്‍ അദീല്‍ അഹ്‌മദ് അസബ്തി മുഖ്യപ്രഭാഷണം നടത്തി.
മുഹമ്മദലി സഖാഫി വള്ള്യാട്, ഡോ. അബ്ദുസലാം മുഹമ്മദ്, അഡ്വ. തന്‍വീര്‍ ഉമര്‍, ഇബ്‌റാഹീം സഖാഫി താത്തൂര്‍ വിവിധ സെഷനുകള്‍ക്ക് നേതൃത്വം നല്‍കി.
മർകസിൽ നിന്നുള്ള തത്സമയ അപ്ഡേറ്റുകൾ വാട്സാപ്പിലൂടെ അറിയാം
