പൂനൂർ: സുൽത്വാനുൽ ഹിന്ദ് ഖ്വാജാ മുഈനുദ്ദീൻ ചിശ്‌തിയെ സ്മരിച്ച് പൂനൂർ മർകസ് ഗാർഡനിൽ നടക്കുന്ന ഉർസേ അജ്‌മീറിന് പതാക ഉയർന്നു. സയ്യിദ് അബ്‌ദുൽ ഫത്താഹ് അഹ്‌ദൽ അവേലം പതാക ഉയർത്തി. അലി അഹ്‌സനി എടക്കര പ്രാർഥന നടത്തി. ഉർസേ അജ്‌മീറിൻ്റെ സന്ദേശമറിയിച്ച് ഖ്വാജാ പരേഡും ആവാസേ ഗരീബ് സമാപനവും നടന്നു. നഗോർ ഗേറ്റ് (കോളിക്കൽ), സാമ്പാർ ഗേറ്റ് (അവേലം), സർവാർ ഗേറ്റ് (ഞാറപ്പൊയിൽ), താരാഗഡ് ഗേറ്റ് (ചേപ്പാല), അനാസാഗർ ഗേറ്റ് (കേളോത്ത്) എന്നീ പരേഡുകൾ പൂനൂർ അങ്ങാടിയിൽ സംഗമിച്ചു. എസ് വൈ എസ് ജില്ലാ സെക്രട്ടറി കബീർ മാസ്റ്റർ എളേറ്റിൽ വിഷയാവതരണം നടത്തി. അവേലം ജുമുഅ മസ്‌ജിദിൽ സംഘടിപ്പിച്ച മഹല്ല് ഖബർസ്ഥാൻ സിയാറത്തിൽ മൺമറഞ്ഞ മഹത്തുക്കൾക്കും സഹകാരികൾക്കും പ്രാർഥന നടത്തി. ഇലാ ദർബാർ എന്ന പേരിൽ ഇന്ത്യയിലും വിദേശത്തുമുള്ള പ്രധാന മസാറുകൾ സന്ദർശനം നടത്തിയിരുന്നു.

ഫാമിലി മീറ്റ്, മഹല്ല് ശൗക്ക, ഗ്ലോബൽ അജ്‌മീർ മൗലിദ്, സാന്ത്വനം വളണ്ടിയർ സംഗമം, സ്നേഹ സത്കാരം എന്നിവയും നടന്നു. ശരീഅ സെമിനാർ, ആൾ ഇന്ത്യാ അക്കാദമിക് കോൺഫറൻസ്, ഖിദ്‌മ ഡയലോഗ്, ജൽസത്തുൽ ഖുർആൻ, മദനീയം, മജ്ലിസുൽ ഖവാലി, മജ്‌ലിസുൽ വഅള്, അജ്‌മീർ മൗലിദ് എന്നിവ വരും ദിവസങ്ങളിൽ നടക്കും. സയ്യിദ് ശറഫുദ്ദീൻ ജമലുല്ലൈലി ചേളാരി, ഡോ. സയ്യിദ് അബ്‌ദുസ്സബൂർ ബാ ഹസൻ, അഡ്വ. ഹുസൈൻ സഖാഫി ചുള്ളിക്കോട്, പേരോട് അബ്‌ദുർ റഹ്‌മാൻ സഖാഫി, മുഹമ്മദലി സഖാഫി തൃക്കരിപ്പൂർ, അബൂബക്കർ സഖാഫി വെണ്ണക്കോട്, അബ്‌ദുല്ലത്വീഫ് സഖാഫി മദനീയം, ഡോ. ഹുസൈൻ രണ്ടത്താണി, ഡോ. അബൂബക്കർ, ഫാളിൽ നൂറാനി ദേവതിയാൽ എന്നിവർ വിവിധ പരിപാടികളിൽ സംബന്ധിക്കും. 

25ന് വൈകിട്ട് ഏഴിന് നടക്കുന്ന മിസ്‌കിൽ ഖിതാം സമാപന സമ്മേളനത്തിൽ സയ്യിദ് അഫീഫുദ്ദീൻ ജീലാനി, സയ്യിദ് മുഹമ്മദ് മെഹ്‌ദിമിയ ചിശ്തി അജ്‌മീർ, സയ്യിദ് അലി ബാഫഖി, ഇന്ത്യൻ ഗ്രാൻഡ് മുഫ്‌തി കാന്തപുരം എ പി അബൂബക്കർ മുസ്‌ലിയാർ, സയ്യിദ് അബ്‌ദുൽ ഫത്താഹ് അഹ്‌ദൽ അവേലം, സയ്യിദ് ശിഹാബുദ്ദീൻ അഹ്ദൽ മുത്തന്നൂർ, സയ്യിദ് ത്വാഹ സഖാഫി കുറ്റ്യാടി, സി മുഹമ്മദ് ഫൈസി, കെ കെ അഹ്‌മദ് കുട്ടി മുസ്‌ലിയാർ കട്ടിപ്പാറ, ഡോ. മുഹമ്മദ് അബ്‌ദുൽ ഹകീം അസ്ഹരി, സി പി ഉബൈദുല്ല സഖാഫി പങ്കെടുക്കും.