കാരന്തൂർ:  സ്ത്രീകൾ സമൂഹത്തിൻ്റെ കാവൽക്കാരാണെന്നും അവർക്ക് അർഹമായ പരിഗണന നൽകുന്ന മതമാണ് ഇസ്‌ലാമെന്നും മർകസ് ജനറൽ സെക്രട്ടറി കാന്തപുരം എ പി അബൂബക്കർ മുസ്‌ലിയാർ. കാരന്തൂർ മർകസ് ഹാദിയ അക്കാദമിയിലെ പഠനാരംഭ ചടങ്ങിന് നേതൃത്വം നൽകി സംസാരിക്കുകയായിരുന്നു അദ്ദേഹം. ഉൽകൃഷ്ടമായ സമൂഹത്തെ സൃഷ്ടിച്ചെടുക്കുന്നതിൽ കുടുംബിനികൾക്ക് വലിയ പങ്കുണ്ട്. അതിന് അവരെ പ്രാപ്തരാക്കുകയും അർഹമായ സംവിധാനങ്ങൾ ഒരുക്കി കൊടുക്കുകയുമാണ് നാം ചെയ്യേണ്ടത്. ഹാദിയ എന്നാൽ സന്മാർഗത്തിലേക്ക് നയിക്കുന്നവൾ എന്നാണ് അർഥമാക്കുന്നത്. സമൂഹത്തെ സന്മാർഗത്തിലേക്ക് നയിക്കുന്നതിനു വേണ്ടിയുള്ള പ്രാപ്തിയാണ് ഹാദിയ പഠനത്തിലൂടെ ഓരോ വിദ്യാർഥിയും സ്വായത്തമാക്കുന്നതെന്നും ഉസ്താദ്  പറഞ്ഞു.

പ്രിൻസിപ്പൽ മുഹമ്മദിന്റെ അധ്യക്ഷതയിൽ മർകസ് ഡയറക്ടർ ജനറൽ സി മുഹമ്മദ് ഫൈസി പഠനാരംഭം ഉദ്ഘാടനം ചെയ്തു. വി എം റശീദ് സഖാഫി, മുഹമ്മദ് റാഫി സുറൈജി അസ്സഖാഫി, സമദ് സഖാഫി സംസാരിച്ചു. മുഹമ്മദ് സ്വാലിഹ് ശാമിൽ ഇർഫാനി, സയ്യിദ് ജഅ്ഫർ ഹുസൈൻ ജീലാനി, ശിഹാബുദ്ദീൻ, സി അബ്ദുറസാഖ്, അസ്‌ലം  സഖാഫി, ഇ കെ ജാബിർ സഖാഫി, സൈദ് മുഹമ്മദ് പങ്കെടുത്തു.