മർകസ് മെഡിക്കൽ കോളേജും ചെന്നൈ ക്രസന്റും ധാരണാപത്രത്തിൽ ഒപ്പുവെച്ചു
മർകസ് നോളജ് സിറ്റി മാനേജിംഗ് ഡയറക്ടർ ഡോ. മുഹമ്മദ് അബ്ദുൽ ഹകീം അസ്ഹരി, ക്രസന്റ് യൂണിവേഴ്സിറ്റി പ്രോ-ചാൻസലർ ഡോ. അബ്ദുൽ ഖാദിറുമായി ധാരണ പത്രം കൈമാറുന്നു
Markaz Live News
September 15, 2025
Updated
ചെന്നൈ: ബി യു എം എസ് ബിരുദം നൽകുന്ന മർകസ് മെഡിക്കൽ കോളേജ് തമിഴ്നാട്ടിലെ ബി.എസ്. അബ്ദുർ റഹ്മാൻ ക്രസന്റ് ഡീംഡ് ടു ബി യൂണിവേഴ്സിറ്റിയുമായി ധാരണാപത്രത്തിൽ ഒപ്പുവച്ചു. യൂനാനി വൈദ്യശാസ്ത്ര സമ്പ്രദായത്തിന്റെ ശാസ്ത്രീയ അടിത്തറകളെക്കുറിച്ചുള്ള സംയുക്ത ഗവേഷണമാണ് ലക്ഷ്യം. മോളിക്യുലാർ ബയോളജി, മൈക്രോ ബയോളജി, ബയോഇൻഫർമാറ്റിക്സ് എന്നിവയിലെ നൂതന പഠനങ്ങളിലും പരസ്പരം സഹകരിക്കും.
പൊതുജനാരോഗ്യ മേഖലയിൽ സേവനം ചെയ്യുന്ന 350 ലധികം ഡോക്ടർമാർ ബിരുദം നേടിയ മർകസ് യൂനാനി മെഡിക്കൽ കോളേജ് 2015 ൽ കേരളത്തിലെ ആദ്യത്തെ യൂനാനി മെഡിക്കൽ കോളേജായാണ് സ്ഥാപിതമാകുന്നത്. മികച്ച അടിസ്ഥാന സൗകര്യങ്ങളും ലൈഫ് സയൻസസിലും ഇന്റർ ഡിസിപ്ലിനറി ഗവേഷണത്തിലും വിപുലമായ അനുഭവവുമുള്ള ബി.എസ്. അബ്ദുർ റഹ്മാൻ ക്രസന്റ് ഡീംഡ് ടു ബി യൂണിവേഴ്സിറ്റിയുമായുള്ള ധാരണാപത്രം മെഡിക്കൽ കോളേജിന്റെ വളർച്ചയുടെ പുതിയ ഘട്ടമാകുമെന്നാണ് അധികാരികൾ വിലയിരുത്തുന്നത്. ലാബ് അധിഷ്ഠിത പരീക്ഷണങ്ങൾ, ക്ലിനിക്കൽ പഠനങ്ങൾ, പ്രസിദ്ധീകരണങ്ങൾ, വിദ്യാർത്ഥി കൈമാറ്റ പരിപാടികൾ തുടങ്ങി വിപുലമായ സംയുക്ത പദ്ധതികൾക്കാണ് ധാരണാപത്രം വഴിയൊരുക്കുന്നത്.
ചെന്നൈയിൽ വെച്ചു നടന്ന ഒപ്പുവെക്കൽ ചടങ്ങിൽ മർകസ് നോളജ് സിറ്റി മാനേജിംഗ് ഡയറക്ടർ ഡോ. മുഹമ്മദ് അബ്ദുൽ ഹകീം അസ്ഹരി, ക്രസന്റ് യൂണിവേഴ്സിറ്റി പ്രോ-ചാൻസലർ ഡോ. അബ്ദുൽ ഖാദിർ എന്നിവരും ഇരുസ്ഥാപനങ്ങളുടെയും മറ്റ് ഉയർന്ന പ്രതിനിധികളും പങ്കെടുത്തു.
മർകസിൽ നിന്നുള്ള തത്സമയ അപ്ഡേറ്റുകൾ വാട്സാപ്പിലൂടെ അറിയാം
