മഞ്ചേശ്വരം: മഞ്ചേശ്വരം പാത്തൂർ മൻഹജുൽ ബദ്‌രിയ്യ എഡ്യൂ ആൻഡ് ചാരിറ്റി നടത്തിയ അറബി വ്യാകരണശാസ്ത്ര കിതാബ് മത്സരത്തിൽ ഒന്നാം സ്ഥാനം നേടി ജാമിഅ മർകസ് തഖസ്സുസ് വിദ്യാർഥി ഹാഫിള് സ്വലാഹുദ്ദീൻ ഹിമമി കടബ. കേരള, കർണാടക സംസ്ഥാനങ്ങളിലെ വിവിധ സ്ഥാപനങ്ങളിൽ നിന്നുള്ള വിദ്യാർഥികൾ പങ്കെടുത്ത  'ഖത്തറുന്നദ' കിതാബ് ടെസ്റ്റിലാണ് സ്വലാഹുദ്ദീൻ ഹിമമി മികച്ച പ്രകടനം നടത്തി ശ്രദ്ധേയമായ നേട്ടം കൈവരിച്ചത്.

മത വിദ്യാർഥികളിൽ ഭാഷാശാസ്ത്രത്തിലും ഇസ്‌ലാമിക പഠനത്തിലും താൽപര്യം വളർത്തുക എന്ന ലക്ഷ്യത്തോടെയാണ് കിതാബ് ടെസ്റ്റ് നടന്നത്. കാസർകോഡ്‌ പുത്തിഗെ മുഹിമ്മാത്തുൽ മുസ്‌ലിമീൻ എഡ്യൂക്കേഷണൽ സെന്റർ പൂർവ വിദ്യാർഥിയാണ് സ്വലാഹുദ്ദീൻ. അഭിമാനകരമായ നേട്ടം കൈവരിച്ച സ്വലാഹുദ്ദീനെ ജാമിഅ വിദ്യാർഥി യൂണിയനും അക്കാദമിക് കൗൺസിലും അഭിനന്ദിച്ചു.