കലാ സാഹിത്യ പ്രവർത്തനങ്ങളാണ് മനുഷ്യനെ വ്യത്യസ്തനാക്കുന്നത്: സി മുഹമ്മദ് ഫൈസി
മർകസ് ജാസ്മിൻ വാലി ആർട്സ് ഫെസ്റ്റിവൽ പ്രൗഢമായി...
മർകസ് ജാസ്മിൻ വാലി ആർട്സ് ഫെസ്റ്റിവൽ 'സെലൻഷ്യ' സി മുഹമ്മദ് ഫൈസി ഉദ്ഘാടനം ചെയ്യുന്നു.
Markaz Live News
November 03, 2025
Updated
കാരന്തൂർ: കലാ സാഹിത്യ പ്രവർത്തനങ്ങൾ ഇതര ജീവജാലങ്ങളിൽ നിന്നും മനുഷ്യനെ വ്യത്യസ്തനാക്കുന്ന പ്രധാന ഘടകമാണെന്ന് മർകസ് ഡയറക്ടർ ജനറൽ സി മുഹമ്മദ് ഫൈസി. മർകസ് സെൻട്രൽ ക്യാമ്പസിലെ റെസിഡൻഷ്യൽ സ്ത്രീ വിദ്യാഭ്യാസ കേന്ദ്രമായ ജാസ്മിൻ വാലിയിലെ വിദ്യാർഥി സംഘടന അൽവാന്റെ ആഭിമുഖ്യത്തിൽ നടന്ന ആർട്സ് ഫെസ്റ്റിവൽ 'സെലൻഷ്യ' ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നൈപുണികൾ തിരിച്ചറിയാനും ഊതിക്കാച്ചിയെടുക്കാനുമുള്ള വേദിയായാണ് ഫെസ്റ്റുകളെ കാണേണ്ടതെന്നും ക്യാമ്പസ് കാലത്തെ കഴിവുകൾ ഭാവി ജീവിതത്തിലും ഉപയോഗപ്പെടുത്തണമെന്നും അദ്ദേഹം പറഞ്ഞു. ചടങ്ങിൽ മർകസ് ഡയറക്ടർ സിപി ഉബൈദുല്ല സഖാഫി അധ്യക്ഷത വഹിച്ചു.
47 ഇനങ്ങളിലായി 150 ലധികം വിദ്യാർഥികൾ മാറ്റുരച്ച ഫെസ്റ്റിൽ മുഫ്ലിഹ സി എം, ഫാതിമ സന എന്നിവർ കലാപ്രതിഭകളായി. വിവിധ സെഷനുകളിലായി വിഎം റഷീദ് സഖാഫി, അക്ബർ ബാദുഷ സഖാഫി, മഹ്മൂദ് കോറോത്ത്, ഒ ടി ശഫീഖ് സഖാഫി, അബ്ദുറഹ്മാൻ കുറ്റിക്കാട്ടൂർ സംബന്ധിച്ചു.
മർകസിൽ നിന്നുള്ള തത്സമയ അപ്ഡേറ്റുകൾ വാട്സാപ്പിലൂടെ അറിയാം
