കുന്ദമംഗലം: ജാമിഅ മര്‍കസ് വിദ്യാര്‍ഥി യൂണിയന്‍ ഇഹ് യാഉസ്സുന്ന സംഘടിപ്പിക്കുന്ന ആര്‍ട്‌സ് ഫെസ്റ്റ് ഖാഫ് ദി ഒക്ടോ എഡിഷന് ഇന്ന്(ശനി) തുടക്കം. 13, 14 തിയ്യതികളിലായി മര്‍കസ് കണ്‍വെന്‍ഷന്‍ സെന്ററില്‍ നടക്കുന്ന നടക്കുന്ന ഫെസ്റ്റ് റെക്റ്റിഫയിംഗ് ദി വെര്‍ച്യൂസ്, മൂല്യശോഷണങ്ങള്‍ക്ക് തിരുത്ത് എന്ന പ്രമേയത്തിലാണ് നടക്കുന്നത്. ഇരുന്നൂറോളം മത്സരയിനങ്ങളിലായി വിവിധ സംസ്ഥാനങ്ങളില്‍ നിന്നുള്ള 1500 വിദ്യാര്‍ഥികള്‍ ഫെസ്റ്റില്‍ മാറ്റുരക്കും.

ഫെസ്റ്റിന്റെ ഭാഗമായി എട്ടിന പദ്ധതികള്‍ നടപ്പാക്കും. ഇന്ന് രാവിലെ ജാമിഅ മര്‍കസ് ഫൗണ്ടര്‍ ചാന്‍സിലര്‍ കാന്തപുരം എ.പി അബൂബക്കര്‍ മുസ്ലിയാര്‍ ഉദ്ഘാടനം ചെയ്യും. കാലിക്കറ്റ് മുന്‍ വൈസ് ചാന്‍സിലര്‍ കെ.കെ.എന്‍ കുറുപ്പ് മുഖ്യാതിഥിയാവും. ജാമിഅ മര്‍കസ് ചാന്‍സിലര്‍ സി. മുഹമ്മദ് ഫൈസി, വി.പി.എം ഫൈസി വില്യാപള്ളി, മറ്റു മുദരിസുമാര്‍ സംബന്ധിക്കും.