പരിസ്ഥിതി ദിനാചരണം: മർകസ് നോളജ് സിറ്റിയിൽ ഒരാഴ്ച നീളുന്ന പദ്ധതികൾ
മർകസ് നോളജ് സിറ്റിയിലെ പരിസ്ഥിതി വാരാചരണം ഫലവൃക്ഷതൈ നട്ട് ഉദ്ഘാടനം ചെയ്യുന്നു.
Markaz Live News
June 06, 2026
Updated
നോളജ് സിറ്റി : മർകസ് നോളജ് സിറ്റിയിൽ പരിസ്ഥിതി വാരാചരണത്തിന്റെ ഭാഗമായുള്ള പ്രോഗ്രാമുകള്ക്ക് തുടക്കമായി. ജൈവ വൈവിധ്യം എന്ന ആശയത്തിലൂന്നി പന്ത്രണ്ടിന പദ്ധതികളാണ് കാമ്പയിൻ്റെ ഭാഗമായി നടക്കുക . പേപ്പർ രഹിത ഓഫീസ് , കാലാവസ്ഥാ കേന്ദ്രം, ജൈവ പ്രതിജ്ഞ, പരിസ്ഥിതി പ്രശ്നോത്തരി , സോളാർ പാനൽ സമർപ്പണം , മഴ നടത്തം തുടങ്ങിയ പദ്ധതികൾ കാമ്പയിൻ്റെ ഭാഗമായി നടക്കും. കാമ്പയിൻ്റെ പ്രഖ്യാപനം മർകസ് നോളജ് സിറ്റി ഡെപ്യൂട്ടി മാനേജിംഗ് ഡയറക്ടർ അഡ്വ.തൻവീർ ഉമർ നിർവ്വഹിച്ചു. അക്കാദമിക് ഡയറക്ടർ ഡോ. റോഷൻ നൂറാനി ആമുഖ പ്രസംഗം നടത്തി.
പരിസ്ഥിതി സംരംക്ഷണ പ്രതിജ്ഞക്ക് പ്രൊഫ. ഡോ. സയ്യിദ് നിസാം റഹ്മാന് നേതൃത്വം നല്കി. ഗ്രീന് ടോക്കില് എയ്മര് വിദ്യാര്ഥിനി ഫാത്വിമതു നാജിയ കെ സി, ഹില്സിനായി ഫിനിഷിംഗ് സ്കൂള് വിദ്യാര്ഥി ആയിസ് അഹ്മദ്, വിറാസിലെ മുഹമ്മദ് റാസി എന്നിവര് സംസാരിച്ചു. അക്കാദമിക് വിഭാഗം ഡെപ്യൂട്ടി ഡയറക്ടർ ഒ മുഹമ്മദ് ഫസൽ സ്വാഗതവും ഉനൈസ് സഖാഫി നന്ദിയും പറഞ്ഞു.
നോളജ് സിറ്റിയിലെ ഫോട്ടോഗ്രാഫര്മാരായ മുബശിര് അഹ്മദും ഉവൈസ് റഹ്മാനും പകര്ത്തിയ ക്യാമ്പസിലെ ജൈവ വൈവിധ്യ ഫോട്ടോകളുടെ പ്രദര്ശനം ആരംഭിച്ചു. വലന്സിയ ഗലേറിയയില് നടക്കുന്ന പ്രദര്ശനം ഇന്നു (വെള്ളി) കൂടി തുടരും.
വില്ലേജ് എംപവര്മെന്റ് പ്രോജക്ടിന്റെ സഹകരണത്തോടെ വാഴക്കന്ന് വിതരണം നടന്നു. യൂസുഫ് നൂറാനി, സലീം കളപ്പുറം തുടങ്ങിയവര് നേതൃത്വം നല്കി. ക്യാമ്പസിലെ വിവിധ ഇടങ്ങളിലായുള്ള തൈ നടലിനും ഇന്നലെ തുടക്കമായി.
മർകസിൽ നിന്നുള്ള തത്സമയ അപ്ഡേറ്റുകൾ വാട്സാപ്പിലൂടെ അറിയാം
