പൂന്നൂർ:  ഇന്ത്യൻ ഇൻസ്റ്റിറ്റ്യൂട്ട് ഓഫ് റിമോട്ട് സെൻസിംഗ് (IIRS)ഉം ഐ എസ് ആർ ഒയും സംയുക്തമായി സംഘടിപ്പിക്കുന്ന Geospatial Technology National Internship Programലേക്ക് ജാമിഅ മദീനതുന്നൂർ വിദ്യാർഥിക്ക് അവസരം. കുല്ലിയ്യത്തു മദീനതുന്നൂർ ബൈത്തുൽ ഇസ്സ സയൻസ് അക്കാദമിയിലെ പി ജി ഒന്നാം വർഷ വിദ്യാർഥിയായ മുഹമ്മദ് ശബീറിനാണ് അവസരം ലഭിച്ചത്.

ഐ ഐ ആർ എസ് ആസ്ഥാനത്ത് നടക്കുന്ന പരിപാടിയിൽ ഇന്ത്യയുടെ വിവിധ ഭാഗങ്ങളിൽ നിന്ന് ഓൺലൈൻ പരീക്ഷയിൽ യോഗ്യത നേടിയ ബിരുദ/ ബിരുദാനന്തര ബിരുദ/ ഗവേഷണ വിദ്യാർഥികളാണ് പങ്കെടുക്കുക. ഒരാഴ്ച നീണ്ടു നിൽക്കുന്ന പരിപാടിയിൽ ഇന്ത്യയിലെ പ്രമുഖ ശാസ്ത്രജ്ഞന്മാരുടെ നേതൃത്വത്തിൽ Geospatial Technology, Geographical information systems, Dissemination of Geoinformation തുടങ്ങിയ വിഷയങ്ങളിൽ വിവിധ ശിൽപ്പശാലകളും ചർച്ചകളും നടക്കും.