കോഴിക്കോട്: ഉത്തരവാദിത്വം മാതൃകാപരമായി നിർവഹിക്കണമെന്ന് മർകസ് ഡയറക്ടർ ജനറൽ സി.മുഹമ്മദ് ഫൈസി പ്രസ്താവിച്ചു. ജാമിഅ മദീനതുന്നൂർ  ആന്വൽ കോൺഫ്ലുവൻസ്' 2025  അക്കാഡമിക് ലീഡേഴ്‌സ് കോൺക്ലൈവ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അറിവും പരിശീലനവും കരുത്തും നേടി നേതൃത്വ ഗുണങ്ങൾ നിരന്തരം വികസിപ്പിക്കണം.അലിവും ഗൗരവവും സമ്മിശ്രമായി പ്രതീക്ഷയോടെ കാത്തിരിക്കുന്നവരാണ് വിജയിക്കുന്ന ലീഡേഴ്‌സെന്നും അദ്ദേഹം ഓർമപ്പെടുത്തി. ജാമിഅ റെക്ടർ കം ഫൗണ്ടർ ഡോ മുഹമ്മദ്‌ അബ്ദുൽഹകീം അസ്ഹരി കോൺഫ്ലുവൻസ് മെസ്സേജ് നൽകി.അബു സ്വാലിഹ് സഖാഫി അധ്യക്ഷത വഹിച്ചു. അക്കാഡമിക് ലീഡർഷിപ്പ്  പ്രൊഫ. ഉമറുൽ ഫാറൂഖ്, ഹോണറിങ് പയനീർസ് അബൂബക്കർ സഖാഫി വെണ്ണക്കോട്,ഓഫീസ് പ്രൊഫഷനലിസം അഡ്വ. തൻവീർ ഉമർ ,കോൺഫ്ലുവൻസ് സൈൻ ആസഫ് നൂറാനി,കരിക്കുലം ഫോക്കസ്  സയ്യിദ് ത്വാഹ നൂറാനി,ഡോക്യൂമെന്റഷൻ ലാൻഗേജ് ഡോ. ശാഹുൽ ഹമീദ് നൂറാനി,ബിൽഡിംഗ് റിലേഷൻഷിപ്പ്  ഇർശാദ് നൂറാനി അവതരിപ്പിച്ചു.ലീഡേഴ്‌സ് ലാബിന് ജോസഫ് വയനാടും ഐഡിയ ജാമിന് യൂനുസ് അഹ്സനി, ഫാസിൽ നൂറാനി,മുജ്തബ നൂറാനി തുടങ്ങിയവരും നേത്രത്വം നൽകി.അക്കാദമിക്,ഫൈനാൻസ് ,മെന്റേഴ്‌സ് റിപ്പോർട്ടുകൾ അവതരിപ്പിച്ചു. രണ്ട് ദിവസം നീണ്ട് നിന്ന സംഗമത്തിൽ ജാമിഅ മദീനതുന്നൂർ സ്റ്റേറ്റ് കാമ്പസ് ഇൻചാർജുമാരും അക്കാഡമിക് ഓഫീസർമാരും പങ്കെടുത്തു.