കവിത സത്യത്തിന്റെയും സൗന്ദര്യത്തിന്റെയും സംയോജനമാണെന്നും, മുൻകാല സൂഫികൾ അവരുടെ ആത്മീയമായ വികാരങ്ങളെ കവിതാരൂപത്തിൽ പ്രകടിപ്പിച്ചവരായിരുന്നുവെന്നും അദ്ദേഹം പറഞ്ഞു. കവികളെ പ്രവാചകൻ പ്രോത്സാഹിപ്പിക്കാനുള്ള കാരണം ഇതാണെന്നും അദ്ദേഹം കൂട്ടിച്ചേർത്തു.

കന്നഡ വികസന സമിതി ചെയർമാൻ പുരുഷോത്തമ ബിലിമല മുഖ്യാതിഥി ആയി. കവിത ജീവിതത്തിന്റെ കണ്ണാടിയാണെന്ന് അദ്ദേഹം  പറഞ്ഞു. ജീവിതാനുഭവങ്ങൾ, സന്തോഷങ്ങൾ, സത്യം, അമാനുഷികത എന്നിവ ഭാവനയുടെ വലയിലേക്ക് ഇറങ്ങുമ്പോൾ ഭംഗി ഏറെയാണെന്നും അദ്ദേഹം അഭിപ്രായപ്പെട്ടു. 4 വ്യത്യസ്ത സെഷനുകളിലായി 40 ലധികം കവിതകൾ അവതരിപ്പിക്കപ്പെട്ടു. ബി എം ഹനീഫ്, റിയാസ് അഹ്മദ് ബോടെ, വൈ. ജെ മഹ്ബൂബ് ഗുൽബർഗ, പുനീത് അപ്പു എന്നിവർ സെഷനുകൾക്ക് നേതൃത്വം നൽകി. സ്വാലിഹ് തോഡാർ, യംഷ ബെങ്കില തുടങ്ങി പ്രമുഖ കവികൾ തിരുനബിയുടെ ജീവിതത്തിലെ വ്യത്യസ്ത മുഹൂർത്തങ്ങളെ ആസ്പദമാക്കി കവിത അവതരിപ്പിച്ചു. എസ് എസ് എഫ് കർണാടക സ്റ്റേറ്റ് പ്രസിഡണ്ട്‌ സുഫിയാൻ സഖാഫി ,അഡ്വ. സുഹൈൽ സഖാഫി, അൽ വാരിസ് ശരീഫ് സഖാഫി , അൽവാരിസ് അസ്‌ലം ഉള്ളാൾ സംസാരിച്ചു .