പൊന്നാനി: മുൻകാല പണ്ഡിതരുടെ തെളിമയാർന്ന ജീവിത വഴിയാണ് കർമരംഗത്തേക്കിങ്ങുന്ന മത വിദ്യാർഥികൾ അനുധാവനം ചെയ്യേണ്ടതെന്ന് ജാമിഅ മർകസ് ചാൻസിലർ സി മുഹമ്മദ് ഫൈസി. മർകസ് നോളേജ് സിറ്റിയിലെ വിറാസ് അവസാന വർഷ വിദ്യാർഥികളുടെ വിളക്കത്തിരിക്കൽ ചടങ്ങിന് പൊന്നാനി വലിയ ജുമുഅത്ത് പള്ളിയിൽ നേതൃത്വം നൽകി സംസാരിക്കുകയായിരുന്നു അദ്ദേഹം. ശൈഖ് സൈനുദ്ദീൻ മഖ്ദൂം ഒന്നാമനും രണ്ടാമനും ഉൾപ്പെടെ പൊന്നാനി കേന്ദ്രമായി ഉലമാക്കൾ സൃഷ്‌ടിച്ച വൈജ്ഞാനിക സംസ്കാരം പഠിക്കുകയും പകർത്തുകയും വേണമെന്നും അദ്ദേഹം ഓർമപ്പെടുത്തി.

സി എസ് മുഹമ്മദ് ഫൈസി ചുള്ളിക്കോട്, ജമാലുദ്ദീൻ അഹ്സനി മഞ്ഞപ്പറ്റ, സംസ്ഥാന ഹജ്ജ് കമ്മിറ്റി മുൻ അംഗം കെ. എം മുഹമ്മദ്‌ കാസിം കോയ എന്നിവർ  സംസാരിച്ചു. അബുദുസ്സമദ് അഹ്സനി വെളിമുക്ക്, ഉമർ ശാമിൽ ഇർഫാനി, ഉവൈസ് അദനി വിളയൂർ, സയ്യിദ് ഫള്ൽ തുറാബ് തങ്ങൾ തുടങ്ങിയവർ സംബന്ധിച്ചു.