കോഴിക്കോട്: കാരന്തൂർ മർകസ് യുനാനി ഹോസ്പിറ്റലിന്റെ ആഭിമുഖ്യത്തിൽ ജൂലൈ 1 ബുധനാഴ്ച സൗജന്യ യുനാനി ചർമ്മരോഗ മെഡിക്കൽ ക്യാമ്പ് സംഘടിപ്പിക്കുന്നു. കോഴിക്കോട് കാരന്തൂർ മർകസ് നഗറിലുള്ള ഹോസ്പിറ്റലിൽ വെച്ചാണ് ക്യാമ്പ് നടക്കുക. പ്രമുഖ കൺസൾട്ടന്റ് ഫിസിഷ്യൻ ഡോ. മുഹമ്മദ് അനീസിന്റെ നേതൃത്വത്തിലാണ് രോഗികളെ പരിശോധിക്കുന്നത്.

വെള്ളപ്പാണ്ട്, സോറിയാസിസ്, എക്സിമ, വർണ്ണചർമ്മം, വിവിധതരം വ്രണങ്ങൾ, ചൊറിച്ചിൽ, അരിമ്പാറ, അലർജി, ചുണങ്ങ്, മുഖക്കുരു തുടങ്ങിയ ചർമ്മരോഗങ്ങൾക്കും മുടി കൊഴിച്ചിൽ, അലോപേഷ്യ, അകാല നര, താരൻ, പേൻ ശല്യം, കുഴിനഖം, പാദം വിണ്ടുകീറൽ, വെരിക്കോസ് വെയിൻ, വെരിക്കോസ് അൾസർ തുടങ്ങിയ പ്രശ്നങ്ങൾക്കും ക്യാമ്പിൽ വിദഗ്ദ്ധ ചികിത്സ ലഭ്യമായിരിക്കും.

ക്യാമ്പിൽ പങ്കെടുക്കുന്നവർക്ക് സൗജന്യ ഡോക്ടർ പരിശോധന, സൗജന്യ മരുന്ന് വിതരണം, സൗജന്യ തെറാപ്പി എന്നിവ ഉണ്ടായിരിക്കും. കൂടാതെ, ഹിജാമ, മുടി കൊഴിച്ചിൽ തടയുന്നതിനുള്ള മൈക്രോ ഹിജാമ, വെരിക്കോസ് വെയിൻ ചികിത്സയ്ക്കുള്ള ഫസ്ദ്  എന്നിവ 50 ശതമാനം പ്രത്യേക ഡിസ്കൗണ്ടിൽ ക്യാമ്പിൽ ലഭ്യമാക്കിയിട്ടുണ്ട്.

സീറ്റുകൾ പരിമിതമായതിനാൽ ക്യാമ്പിൽ പങ്കെടുക്കാൻ താല്പര്യമുള്ളവർ +91 95622 13535 എന്ന നമ്പറിൽ വിളിച്ച് മുൻകൂട്ടി പേര് രജിസ്റ്റർ ചെയ്യേണ്ടതാണെന്ന് അധികൃതർ അറിയിച്ചു.