ശ്രീനഗര്‍: മര്‍കസ് ലോ കോളജ് അവസാന വര്‍ഷ ബി.ബി.എ, എല്‍.എല്‍.ബി (2021- 26) വിദ്യാര്‍ഥികളും യെസ് ഇന്ത്യ ഫൗണ്ടേഷനും സംയുക്തമായി ജമ്മു കാശ്മീരിലെ പഹല്‍ഗാമില്‍ ബക്കര്‍വാള്‍ വിഭാഗക്കാര്‍ക്കായി ലീഗല്‍ എയ്ഡ് ക്യാമ്പ് സംഘടിപ്പിച്ചു. മര്‍കസ് ലോ കോളജ് പ്രൊഫസര്‍ ഡോമിനിക്ക് മാന്വല്‍ ജോണിന്റെ അധ്യക്ഷതയില്‍ സംഘടിപ്പിച്ച ക്യാമ്പ് ജമ്മു കാശ്മീര്‍ ഹൈക്കോടതി മുന്‍ അഡീഷണല്‍ അഡ്വക്കേറ്റ് ജനറല്‍ ഷൗക്കത്ത് ഹുസൈന്‍ നഖ്ഷ്ബന്ധി ഉദ്ഘാടനം ചെയ്തു.

ജില്ലാ സെഷന്‍ ജഡ്ജ് ഫയാസ് അഹമ്മദ് ഖുറേശി, പഹല്‍ഗാം സബ് ഡിവിഷണല്‍ മജിസ്ട്രേറ്റ് അമിത് ഗുപ്ത, പരിസ്ഥിതി ശാസ്ത്രജ്ഞന്‍ ഡോ. ഷഹ്സാഇബ് ഖാന്‍ എന്നിവര്‍ ബക്കര്‍വാള്‍ കമ്മ്യൂണിറ്റിക്ക് വേണ്ടി വിവിധ തരം സെഷനുകള്‍ നടത്തി. യെസ് ഇന്ത്യ ഫൗണ്ടേഷന്‍ ഡയറക്ടര്‍മാരായ അമീര്‍, റംഷാദ് ബുഖാരി, മര്‍കസ് ലോ കോളജ് പ്രൊഫസര്‍ ജിഷ ജാസ്മിന്‍, വിദ്യാര്‍ഥി പ്രതിനിധികളായി ടി നഹീല്‍, ഷാഹിദ്, അസ്ലം ഷാ എന്നിവര്‍ സംസാരിച്ചു. ഇസ്മായില്‍ ഫൈസാനി സ്വാഗതവും ഫാത്തിമ സന നന്ദിയും പറഞ്ഞു.