കോഴിക്കോട്: സുഭദ്ര രാഷ്ട്ര നിർമ്മിതിക്ക്  കലാമൂല്യങ്ങൾ ഉയർത്തിപ്പിടിക്കണമെന്ന് മന്ത്രി അഹ്മദ് ദേവർ കോവിൽ അവശ്യപ്പെട്ടു. ജാമിഅ മദീനതുന്നൂർ ലൈഫ് ഫെസ്റ്റിവലായ റെന്റിവ്യൂ സമാപനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കേവലം കലാ സാഹിത്യ മത്സരങ്ങൾക്കപ്പുറം വിദ്യാർത്ഥികൾക്ക് സാംസ്കാരിക മൂല്യങ്ങളും മാനവികതയും സാമൂഹിക പ്രതിബദ്ധതയും പകർന്ന നൽകുന്ന ജാമിഅ മദീനതുന്നൂർ പ്രവർത്തനങ്ങളെ അദ്ദേഹം പ്രശംസിച്ചു. സയ്യിദ് അബ്ദുൽ ഫത്താഹ് അവേലം അധ്യക്ഷതയിൽ റെക്ടർ ഡോ. മുഹമ്മദ് അബ്ദുൽ ഹകീം അസ്ഹരി മുഖ്യപ്രഭാഷണം നടത്തി. ഡോ. ഹുസൈൻ രണ്ടത്താണി തീം ടോക്കിന് നേതൃത്വം നൽകി. മർകസ് ഗാർഡൻ നൂതന സംരംഭമായ സ്പോർട്സ് അക്കാദമി മന്ത്രി അഹ്മദ് ദേവർ കോവിൽ ഉദ്ഘാടനം ചെയ്തു.

'റിമെമ്പറിങ് ടുമോറോ' എന്ന പ്രമേയത്തിൽ പൂനൂർ മർകസ് ഗാർഡനിൽ ജാമിഅ മദീനതുന്നൂർ ഇരുപതിലധികം കാമ്പസുകൾ മാറ്റുരച്ചു. ഗ്ലോബൽ ദർസ്, മസ്അല സൊലൂഷൻ, ടെഡ് ടോക്ക്, പാർലമെന്ററി ഡിബേറ്റ്, ഡിജിറ്റൽ ഇല്ലുസ്ട്രേഷൻ, റീൽ ക്രിയേഷൻ, ഫ്ളാഷ് ഫിക്ഷൻ, ടോസ്റ്റ് മാസ്റ്റർ തുടങ്ങി 175 ഓളം മത്സരങ്ങളാണ് സംഘടിപ്പിച്ചത്.

ഫെസ്റ്റിവലിന്റെ ഭാഗമായി സജ്ജീകരിച്ച ഗ്ലോക്കൽ റോബോട്ട് ശ്രദ്ധേയമായി. ജാമിഅ മദീനതുന്നൂർ  വിദ്യാർത്ഥി അബ്ദുൽ ഫത്താഹിന്റെ നേതൃത്വത്തിലാണ് ഗ്ലോക്കൽ ബോട്ട് വികസിപ്പിച്ചെടുത്തത്. പേർസണൽ ലിസണിങ്, റെസ്പോണ്ടിങ്, സ്കാനിങ്, ഫെയിസ് റെക്കഗനിഷൻ, മത്സര ഫലപ്രഖ്യാപനം എന്നിവയാണ് ഗ്ലോക്കൽ ബോട്ടിന്റെ പ്രത്യേകതകൾ. സ്റ്റുഡൻസ് ഐ ഡി കാർഡിലെ ക്യൂ ആർ കോഡ് സ്കാൻ ചെയ്ത് സ്വന്തം പ്രോഗ്രാം ലിസ്റ്റ്, സബ്ജക്ട്, റിസൾട്ടുകൾ എളുപ്പത്തിൽ അറിയാനുള്ള സംവിധാനവും ഗ്ലോക്കൽ ബോട്ടിൽ സജ്ജീകരിച്ചിരുന്നു. പൂർണ്ണമായും സ്ക്രാപ്പ് ഉപയോഗിച്ച് നിർമ്മിക്കപ്പെട്ട ഈ റോമ്പോട്ട്  ആർട്ടിഫിഷ്യൽ ഇന്റലിജൻസ് മേഖലയിലെ കോസ്റ്റ് എഫക്ടീവ് സാധ്യതകളിലേക്ക് വെളിച്ചം വീശുന്നതായിരുന്നു.

ചരിത്ര ഓർമ്മകളുടെ പുതിയ ആവിഷ്കാരങ്ങളുമായി കോസ്മോസ് ആർട്ട് എക്സിബിഷനും ഗ്ലോക്കൽ വി ആർ ഗാലറിയും മറ്റൊരു സവിശേഷതയാണ്. ഇൻഫെസ്റ്റ് ട്രാൻസക്ഷന് വേണ്ടി വികസിപ്പിച്ചെടുത്ത ഗ്ലോക്കൽ ഡിജിറ്റൽ കോയിൻ ഉപയോഗിച്ചാണ് വി ആർ ഷോയുടെയും ലൈവ് കഫേയുടെയും ഇടപാടുകൾ നടന്നത്.

'സംവാദങ്ങളുടെ നൈതികതയും രാഷ്ട്രീയവും' എന്ന വിഷയത്തെ ആസ്പതമാക്കി നടന്ന പാനൽ ഡിസ്കഷനിൽ ഡോ. ഹുസൈൻ അഹ്സനി രണ്ടത്താണി, അബ്ദുള്ള ബുഖാരി കുഴിഞ്ഞളം, ഡോ. നുഐമാൻ, ഇ പി എം സ്വാലിഹ് നൂറാനി എന്നിവർ സംബന്ധിച്ചു. എക്സ്പോട്ട് കോൺവോസ്, അൽ ഹദീഖ ബുക്ക് സ്വാപ്, സൂഖു സ്വദീഖ് കഫേ, സാംസ്കാരിക റാലി എന്നിവയും  നടന്നു.

മൈനർ, പ്രീമിയർ, സബ്ജൂനിയർ, ജൂനിയർ, സീനിയർ എന്നീ അഞ്ച് കാറ്റഗറികളിലായി ഇരുപതിലധികം കാമ്പസുകളടങ്ങുന്ന ഇന്റർ കാമ്പസ് ഫെസ്റ്റിൽ മൈനർ വിഭാഗം ഹസനിയ്യ ഐകരപ്പടിയും പ്രീമിയർ വിഭാഗം ബൈത്തുൽ ഇസ്സ നരിക്കുനി കാമ്പസും സബ്ജൂനിയർ വിഭാഗം ഇമാം റബ്ബാനി കാന്തപുരവും ജൂനിയർ വിഭാഗം മർകസ് ഗാർഡൻ പൂനൂർ കാമ്പസും ജേതാക്കളായി. അബ്ദുള്ള ആദിൽ മിൻഹാജ്( സി എം മർകസ് മമ്പീതി), മുഹമ്മദ്‌ ഉവൈസ് കെ( ബൈത്തുൽ ഇസ്സ നരിക്കുനി), സിനാൻ(മർകസ് അൽ മുനവ്വറ കൊല്ലം), അബ്ദുൽ ഹഫീസ് വി എം(മർകസ് ഗാർഡൻ പൂനൂർ), അംജദ് ഖാൻ( മർകസ് ഗാർഡൻ പൂനൂർ) എന്നിവർ യഥാക്രമം ഇൻഡിവിജ്വൽ ചാമ്പ്യന്മാരായി.

പരിപാടിയിൽ സയ്യിദ് ഷിഹാബുദീൻ അഹ്ദൽ മുത്തനൂർ, സയ്യിദ് ശറഫുദ്ധീൻ ജമലുല്ലൈലി ചേളാരി, മർകസ് ഗാർഡൻ ഫാകൾട്ടികളായ ഹുസൈൻ ഫൈസി കൊടുവള്ളി, അലി അഹ്സനി എടക്കര, മുഹ്യുദ്ധീൻ സഖാഫി കാവനൂർ, മുഹ്യുദ്ധീൻ സഖാഫി തളീകര, മാനേജർ അബൂസ്വാലിഹ് സഖാഫി, എ എ കെ ഗ്രൂപ്പ് ഇന്റർനാഷണൽ സി.ഇ.ഒ മുഹമ്മദ് അലി, പ്രോ റെക്ടർ ആസഫ് നൂറാനി, സി.കെ.അസിസ് ഹാജി തുടങ്ങിയവർ സംബന്ധിച്ചു. പ്രോഗ്രാം കമ്മിറ്റി ചെയർമാൻ ഹംദാൻ ഇബ്രാഹിം സ്വാഗതവും നാദി ദഅവ സ്റ്റുഡന്റ്സ് യൂണിയൻ കൺവീനവർ ഇയാസ് സുലൈമാൻ നന്ദിയും പറഞ്ഞു.