കാരന്തൂർ: മർകസും മദനീയം കൂട്ടായ്മയും സംയുക്തമായി നിർമിച്ചു നൽകുന്ന ഭവന പദ്ധതി സമർപ്പണത്തിന്റെ സ്വാഗത സംഘം ഓഫീസ് പ്രവർത്തന സജ്ജമായി. സ്വാഗത സംഘം ചെയർമാൻ സയ്യിദ് അബ്ദുൽ ഫത്താഹ് അഹ്ദൽ അവേലം ഓഫീസ് ഉദ്ഘാടനം ചെയ്ത് ഒരുക്കങ്ങൾ വിലയിരുത്തി.  മെയ് 21 ഞായറാഴ്ച വൈകുന്നേരം 4 മുതൽ മർകസിൽ നടക്കുന്ന സമർപ്പണ ചടങ്ങിൽ പണിപൂർത്തീകരിച്ച 111 വീടുകളാണ് അർഹരായ കുടുംബങ്ങൾക്ക് കൈമാറുന്നത്. മത സാമൂഹിക രാഷ്ട്രീയ രംഗത്തെ പ്രമുഖരുടെ സാന്നിധ്യത്തിൽ നടക്കുന്ന സമർപ്പണ ചടങ്ങിൽ കേരള, കർണാടക, തമിഴ്നാട് സംസ്ഥാനങ്ങളിൽ നിന്ന് പതിനായിരത്തിലധികം സ്നേഹ ജനങ്ങൾ സംബന്ധിക്കും.  ഡോ.എപി അബ്ദുൽ ഹകീം അസ്ഹരി, അബ്ദുലത്തീഫ് സഖാഫി മദനീയം, സയ്യിദ് മുഹമ്മദ് തുറാബ് സഖാഫി, സയ്യിദ് സ്വാലിഹ് ശിഹാബ്, സയ്യിദ് മുഹമ്മദ് ബാഫഖി, സിപി ഉബൈദുല്ല സഖാഫി, പള്ളങ്കോട് അബ്ദുൽ ഖാദർ മദനി, സയ്യിദ് ജാഫർ സഖാഫി, കെകെ ശമീം, ഉനൈസ് മുഹമ്മദ്, അബ്ദുലത്തീഫ് സഖാഫി പെരുമുഖം, അക്ബർ ബാദുശ സഖാഫി, ഹനീഫ് അസ്‌ഹരി, ദുൽകിഫിൽ സഖാഫി, സികെ മുഹമ്മദ് ഇരിങ്ങണ്ണൂർ, സിദ്ദീഖ് കെ, ഉസ്മാൻ സഖാഫി, ഇർഫാൻ എകെ, അശ്‌റഫ് കാരന്തൂർ, എം ജൗഹർ, മുഹമ്മദ് സഫ്‌വാൻ ഓഫീസ് ഉദ്ഘാടന ചടങ്ങിൽ സംബന്ധിച്ചു.