നോളജ് സിറ്റി: ആയുര്‍വേദ മെഡിക്കല്‍ വിദ്യാഭ്യാസ വകുപ്പിന് കീഴില്‍ മര്‍കസ് യൂനാനി മെഡിക്കല്‍ കോളജ് നടത്തുന്ന ഒരു വര്‍ഷം ദൈര്‍ഘ്യമുള്ള സര്‍ക്കാര്‍ അംഗീകൃത യൂനാനി റെജിമെന്റല്‍ തെറാപ്പി കോഴ്സിന് അപേക്ഷ ക്ഷണിച്ചു. വിശദ വിവരങ്ങളും അപേക്ഷാഫോമും  www.markazunanimedicalcollege.org എന്ന വെബ്സൈറ്റില്‍ ലഭ്യമാണ്. മാനേജ്‌മെന്റ് കോട്ട അപേക്ഷാ ഫീസായ 1,000 രൂപ കോളജ് ബേങ്ക് അക്കൗണ്ടില്‍ അടച്ച് അസ്സല്‍ ചെലാന്‍ അപേക്ഷാ ഫോമിനൊപ്പം സമര്‍പ്പിക്കണം. എസ് എസ് എല്‍ സി അല്ലെങ്കില്‍ തത്തുല്യതയാണ് അടിസ്ഥാന യോഗ്യത.
അപേക്ഷകള്‍ നവംബര്‍ 20ന് വൈകിട്ട് 5 മണി വരെ പ്രിന്‍സിപ്പല്‍, മര്‍കസ് യുനാനി മെഡിക്കല്‍ കോളജ് ആന്‍ഡ് ഹോസ്പിറ്റല്‍, കണ്ണോത്ത് (പി.ഒ), കോഴിക്കോട്, 673580 എന്ന വിലാസത്തില്‍ അയക്കേണ്ടതാണെന്ന് അധികൃതര്‍ അറിയിച്ചു. കൂടുതല്‍ വിവരങ്ങള്‍ക്കായി +918735001122, +919645116164 എന്നീ നമ്പറുകളില്‍ ബന്ധപ്പെടാവുന്നതാണെന്നും അധികൃതര്‍ അറിയിച്ചു.