നോളജ് സിറ്റി : റമസാന്‍ 17ാം രാവായ ഇന്ന് മര്‍കസ് നോളജ് സിറ്റിയിലെ ജാമിഉല്‍ ഫുതൂഹില്‍ നടക്കുന്ന ബദ്‌റുല്‍ കുബ്‌റാ ആത്മീയ സമ്മേളനത്തിനും ഇന്ത്യന്‍ ഗ്രാന്‍ഡ് മുഫ്തി കാന്തപുരം എ പി അബൂബക്കര്‍ മുസ്‌ലിയാരുടെ ഗ്രാന്‍ഡ് ഇഫ്താറിനും പതിനായിരങ്ങളെത്തും. വിശ്വാസികളെ സ്വീകരിക്കാന്‍ ജാമിഉല്‍ ഫുതൂഹും പരിസരവും ഒരുങ്ങിക്കഴിഞ്ഞു. ഇന്ന് രാവിലെ 10 മുതല്‍ നാളെ പുലരും വരെ നടക്കുന്ന ആത്മീയ സമ്മേളനത്തില്‍ രാജ്യത്തിന്റെ വിവിധ ഭാഗങ്ങളില്‍ നിന്നുള്ളവരും പുറത്ത് നിന്നുള്ളവരും സംബന്ധിക്കും.
സമ്മേളനത്തിന്റെ ഭാഗമായി ഗ്രാന്‍ഡ് മുഫ്തി ഒരുക്കുന്ന ഗ്രാന്‍ഡ് ഇഫ്താറിന് 25,000ത്തില്‍ പരം ആളുകള്‍ സംബന്ധിക്കും. ജാമിഉല്‍ ഫുതൂഹ് അങ്കണത്തിലും പരിസരത്തുമായാണ് ഒരുമിച്ചിരുന്ന് നോമ്പ് തുറക്കാനുള്ള സൗകര്യങ്ങള്‍ ഒരുക്കിയിരിക്കുന്നത്. ഇത് രാജ്യത്തെ തന്നെ ഏറ്റവും വലിയ നോമ്പ് തുറകളിലൊന്നായി മാറുമെന്ന് സംഘാടകര്‍ വാര്‍ത്താകുറിപ്പില്‍ അറിയിച്ചു.
ഇന്ന് രാവിലെ 10ന് നടക്കുന്ന പ്രാരംഭ സെഷന് സയ്യിദ് ഐദറൂസ് മുത്തുക്കോയ തങ്ങള്‍ എളങ്കൂര്‍ നേതൃത്വം നല്‍കും. ഖത്മുല്‍ ഖുര്‍ആനും ബദര്‍ മൗലിദും നടക്കും. ഉച്ചക്ക് ഒരു മണിക്ക് നടക്കുന്ന ബദ രീയം സെഷന് മര്‍കസ് ഡയറക്ടര്‍ ജനറല്‍ സി മുഹമ്മദ് ഫൈസി ഉദ്ഘാടനം ചെയ്യും. സയ്യിദ് ശാഫി ബാഅലവി വളപട്ടണം പ്രാര്‍ഥന നടത്തും. ഇബ്‌റാഹീം സഖാഫി പുഴക്കാട്ടിരി, മുഹിയദ്ദീന്‍ ബുഖാരി സംസാരിക്കും.
വൈകിട്ട് നാലിന് നടക്കുന്ന അസ്മാഉല്‍ ബദ്ര്‍ ദുആ സംഗമത്തിന് സയ്യിദ് സ്വാലിഹ് തുറാബ് തങ്ങള്‍ നേതൃത്വം നല്‍കും. എസ് വൈ എസ് സംസ്ഥാന പ്രസിഡന്റ് സയ്യിദ് ത്വാഹ തങ്ങള്‍ സഖാഫി ഉദ്‌ബോധന പ്രഭാഷണം നടത്തും. സയ്യിദ് ശറഫുദ്ദീന്‍ ജമലുല്ലൈലി, ഹസന്‍ മുസ്‌ലിയാര്‍ വയനാട്, അബൂഹനീഫല്‍ ഫൈസി തെന്നല, അബ്ദുല്‍ അസീസ് സഖാഫി വെള്ളയൂര്‍, റഹ്മത്തുല്ല സഖാഫി എളമരം, അബ്ദുല്‍ മജീദ് അഹ്സനി ചെങ്ങാനി സംബന്ധിക്കും. തുടര്‍ന്ന്, നടക്കുന്ന സാഅത്തുല്‍ ഇജാബയില്‍ സയ്യിദ് ശിഹാബുദ്ദീന്‍ അഹ്സനി കല്ലറക്കല്‍ ദുആക്ക് നേതൃത്വം നല്‍കും.
രാത്രി ഏഴിന് നടക്കുന്ന തഅ്ജീലുല്‍ ഫുതൂഹ് മജ്‌ലിസിന് സയ്യിദ് ശിഹാബുദ്ദീന്‍ അല്‍ ബുഖാരി കടലുണ്ടി നേതൃത്വം നല്‍കും. സയ്യിദ് ഹബീബ് കോയ തങ്ങള്‍ ചെരക്കാപറമ്പ്, സയ്യിദ് ജലാലുദ്ദീന്‍ ജീലാനി വൈലത്തൂര്‍, സയ്യിദ് സൈനുല്‍ ആബിദീന്‍ ജമലുല്ലൈലി, സയ്യിദ് സുഹൈല്‍ അസ്സഖാഫ് മടക്കര, പി എസ് കെ മൊയ്തു ബാഖവി മാടവന, പള്ളങ്കോട് അബ്ദുല്‍ ഖാദിര്‍ മദനി സംബന്ധിക്കും.
രാത്രി 10 മണിയോടെ ആരംഭിക്കുന്ന മഹ്‌ളറത്തുല്‍ ബദ് രിയ്യ വാര്‍ഷിക സംഗമം സമസ്ത പ്രസിഡന്റ് ഇ സുലൈമാന്‍ മുസ്‌ലിയാര്‍ ഉദ്ഘാടനം ചെയ്യും. ഇന്ത്യന്‍ ഗ്രാന്‍ഡ് മുഫ്തി കാന്തപുരം എ പി അബൂബക്കര്‍ മുസ്‌ലിയാര്‍ സന്ദേശപ്രഭാഷണം നടത്തും. സയ്യിദ് അലി ബാഫഖി തങ്ങള്‍ പ്രാരംഭ പ്രാര്‍ഥന നടത്തും. ഡോ. മുഹമ്മദ് അബ്ദുല്‍ ഹകീം അസ്ഹരി ആമുഖഭാഷണം നടത്തും. സയ്യിദ് ഇബ്‌റാഹീം ഖലീല്‍ ബുഖാരി, സമസ്ത സെക്രട്ടറി പൊന്മള അബ്ദുല്‍ ഖാദിര്‍ മുസ്‌ലിയാര്‍, ഡോ. ഒ കെ അബ്ദുല്‍ഗഫൂര്‍ അസ്ഹരി ഒതുക്കുങ്ങല്‍ സംസാരിക്കും. സയ്യിദ് അബ്ദുല്‍ ഫത്താഹ് അഹ്ദല്‍ അവേലം, അബ്ദുല്‍ ഹമീദ് മുസ്‌ലിയാര്‍ മാണി, വി പി എം ഫൈസി വില്യാപ്പള്ളി, ഒ കെ അബ്ദുര്‍റശീദ് മുസ്‌ലിയാര്‍ ഒതുക്കുങ്ങല്‍, വണ്ടൂര്‍ അബ്ദുര്‍റഹ്മാന്‍ ഫൈസി, സയ്യിദ് മുനീറുല്‍ അഹ്ദല്‍ അഹ്സനി, അബ്ദുല്‍ കരീം ഹാജി ചാലിയം, കുറ്റൂര്‍ അബ്ദുര്‍റഹ്മാന്‍ ഹാജി, മജീദ് കക്കാട്, ഡോ. അബ്ദുസ്സലാം മുഹമ്മദ് സംബന്ധിക്കും. മഹ്‌ളറത്തുല്‍ ബദ് രിയ്യക്ക് സയ്യിദ് ശിഹാബുദ്ദീന്‍ അഹ്ദല്‍ മുത്തനൂര്‍ നേതൃത്വം നല്‍കും. രാത്രി ഒരു മണിയോട് ആരംഭിക്കുന്ന തൗബ മജ്‌ലിസില്‍ അബൂബക്കര്‍ സഖാഫി വെണ്ണക്കോട് ആമുഖഭാഷണം നടത്തും. സമാപന പ്രാര്‍ഥനക്ക് സയ്യിദ് അബ്ദുര്‍റഹ്മാന്‍ ഇമ്പിച്ചിക്കോയ തങ്ങള്‍ ബായാര്‍ നേതൃത്വം നല്‍കും. ബി സി ലുഖ്മാന്‍ ഹാജി നന്ദി പറയും.
മർകസിൽ നിന്നുള്ള തത്സമയ അപ്ഡേറ്റുകൾ വാട്സാപ്പിലൂടെ അറിയാം
