ചിട്ടയായ പഠനം അച്ചടക്കമുള്ള സമൂഹത്തെ രൂപപ്പെടുത്തും: കാന്തപുരം ഉസ്താദ്
മർകസ് ജാസ്മിൻ വാലി പഠനാരംഭം കാന്തപുരം എപി അബൂബക്കർ മുസ്ലിയാർ ഉദ്ഘാടനം ചെയ്യുന്നു.
Markaz Live News
June 19, 2025
Updated
കാരന്തൂർ: ധാർമിക ബോധത്തിലൂന്നിയ ചിട്ടയായ പഠനവും ജീവിത ക്രമീകരണവും അച്ചടക്കമുള്ള തലമുറയെ രൂപപ്പെടുത്തുന്നതിൽ വലിയ പങ്കുവഹിക്കുന്നുണ്ടെന്ന് മർകസ് ജനറൽ സെക്രട്ടറി കാന്തപുരം എപി അബൂബക്കർ മുസ്ലിയാർ. ഭാവി സമൂഹത്തെ രൂപപ്പെടുത്തുന്നതിൽ സ്ത്രീകൾക്കുള്ള പങ്ക് പ്രധാനമാണെന്നിരിക്കെ മത-ഭൗതിക വിദ്യാഭ്യാസത്തോടൊപ്പം വിവിധ നൈപുണികളും അവർ സ്വായത്തമാക്കേണ്ടതുണ്ടെന്നും ഉസ്താദ് പറഞ്ഞു. മർകസ് സെൻട്രൽ ക്യാമ്പസിലെ റെസിഡൻഷ്യൽ സ്ത്രീ വിദ്യാഭ്യാസ കേന്ദ്രമായ ജാസ്മിൻ വാലിയിലെ മോറൽ എഡ്യൂക്കേഷൻ പഠനാരംഭം 'ഇഫ്തിതാഹ്' ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ചടങ്ങിൽ മർകസ് എം എം ഐ ചീഫ് അഡ്മിസ്ട്രേറ്റീവ് ഓഫീസർ വിഎം റശീദ് സഖാഫി അധ്യക്ഷത വഹിച്ചു. ശമീം കെകെ, അബ്ദുറഹ്മാൻ കുറ്റിക്കാട്ടൂർ, ഒ ടി മുഹമ്മദ് ശഫീഖ് സഖാഫി, അബ്ദുൽ മഹ്മൂദ് കെ കെ, അബ്ദുസ്സമദ് സഖാഫി വാളക്കുളം, അബൂബക്കർ സിദ്ദീഖ് അസ്ഹരി, ഹുസൈൻ സഖാഫി കച്ചേരിമുക്ക്, അബ്ദുറാശിദ് സഖാഫി സംബന്ധിച്ചു. പെൺകുട്ടികൾക്ക് റെസിഡൻഷ്യൻ സൗകര്യത്തോടെ 8-ാം ക്ലാസ് മുതൽ പിജി വരെ വിവിധ കോഴ്സുകൾ പഠിക്കാനുള്ള സംവിധാനമാണ് മർകസ് ജാസ്മിൻ വാലിയിൽ ഒരുക്കിയിരിക്കുന്നത്.
മർകസിൽ നിന്നുള്ള തത്സമയ അപ്ഡേറ്റുകൾ വാട്സാപ്പിലൂടെ അറിയാം
