കാരന്തൂർ: മർകസ് അക്കാദമി ഓഫ് ഖുർആൻ സ്റ്റഡീസിന്റെ 32 കാമ്പസുകൾകളിലെ സ്ഥാപന മേധാവികൾക്കും അധ്യാപകർക്കുമായി 'ടുഗെദർ ഫോർ ഖുർആനിക് എക്സലൻസ്' എന്ന പ്രമേയത്തിൽ സംഘടിപ്പിച്ച ജോയിന്റ് കൗൺസിൽ പ്രൗഢമായി. 32 കാമ്പസുകളെ പ്രതിനിധീകരിച്ച് മേധാവികളും മുഹഫിളുകളും കൗൺസിലിൽ പങ്കെടുത്തു.

കൗൺസിൽ മർകസ് ഡയറക്ടർ ജനറൽ സി മുഹമ്മദ് ഫൈസി ഉദ്ഘാടനം ചെയ്തു. മർകസ് മാനേജ്‌മെന്റ് സ്ഥാപനങ്ങളുടെ സി എ ഒ റശീദ് സഖാഫി വിഎം അധ്യക്ഷത വഹിച്ചു. ഖുർആൻ അക്കാദമികളിലെ വിദ്യാർഥികളുടെ തജ്‌വീദ് പഠനത്തിനായി തയ്യാറാക്കിയ 'അത്തദ്കിറഃ' പാഠപുസ്തകം ഡയറക്ടർ സി പി ഉബൈദുല്ല സഖാഫി  പ്രകാശനം ചെയ്തു. അക്കാദമിക് ഡയറക്ടറേറ്റ് അസോസിയേറ്റ് ഡയറക്ടർ ഉനൈസ് മുഹമ്മദ്, അശ്‌റഫ് കാഞ്ഞിര, മഹ്‌മൂദ്‌ കോരാത്ത് സംബന്ധിച്ചു. സയ്യിദ് ഉവൈസ് സഖാഫി പ്രാർഥന നിർവഹിച്ചു. ഖാരിഅ് ഹനീഫ സഖാഫി, ഹാഫിള് അബ്ദുസ്സമദ് സഖാഫി, ഹാഫിള് ഫാഇസ് സഖാഫി തുടങ്ങിയവരുടെ നേതൃത്വത്തിൽ അക്കാദമിക് ഡിസ്കഷനുകൾ നടന്നു. നവംബർ ആദ്യ വാരത്തിൽ നടക്കാനിരിക്കുന്ന ആയിരത്തോളം ഖുർആൻ  പഠിതാക്കൾ പങ്കെടുക്കുന്ന മൂന്നാമത് മർകസ് ഖുർആൻ ഫെസ്റ്റിവലിന്റെ പ്രോഗ്രാം കമ്മിറ്റിയെ ചടങ്ങിൽ തിരഞ്ഞെടുത്തു. ഹാഫിള് അബ്ദുന്നാസ്വിർ സഖാഫി സ്വാഗതവും ഇസ്സുദ്ദീൻ സഖാഫി നന്ദിയും പറഞ്ഞു.