നോളജ് സിറ്റി: കേരള ഫിഷറീസ് വകുപ്പ് മന്ത്രി വി ഇ അബ്ദുല്‍ ഗഫൂര്‍ മര്‍കസ് നോളജ് സിറ്റി സന്ദര്‍ശിച്ചു. ജാമിഉല്‍ ഫുതൂഹ്- ഇന്ത്യന്‍ ഗ്രാന്‍ഡ് മസ്ജിദ്, മര്‍കസ് ലോ കോളജ്, ടൈഗ്രീസ് വാലി വെല്‍നെസ്സ് സെന്റര്‍ തുടങ്ങിയ സ്ഥാപനങ്ങള്‍ സന്ദര്‍ശിക്കുകയും മാനേജ്‌മെന്റ് പ്രതിനിധികളുമായും വിദ്യാര്‍ഥികളുമായും ജീവനക്കാരുമായും കൂടിക്കാഴ്ച നടത്തുകയും ചെയ്തു.

വിദ്യാഭ്യാസ- ആരോഗ്യ- വ്യാവസായിക- കാര്‍ഷിക മേഖലകളെ ഒരേ ക്യാമ്പസില്‍ സംയോജിപ്പിച്ച കാഴ്ച ലോകത്തിന് തന്നെ മാതൃകയാണ് എന്ന് അദ്ദേഹം അഭിപ്രായപ്പെട്ടു. നോളജ് സിറ്റി മാനേജിംഗ് ഡയറക്ടര്‍ ഡോ. മുഹമ്മദ് അബ്ദുല്‍ ഹകീം അസ്ഹരി മന്ത്രിയെ സ്വീകരിച്ചു. ഡോ. നിസാം റഹ്‌മാന്‍, അഡ്വ. സി അബ്ദുല്‍സമദ് പുലിക്കാട്, ശഫീഖ് നൂറാനി, ഡോ. ശാഹുല്‍ ഹമീദ് തുടങ്ങിയവര്‍ കൂടിക്കാഴ്ചയില്‍ സംബന്ധിച്ചു.