കോഴിക്കോട്: റമളാൻ 25-ാം രാവിൽ മർകസിൽ നടക്കുന്ന ആത്മീയ സമ്മേളനത്തിന്റെ പ്രചാരണ പോസ്റ്റർ പ്രകാശനം ചെയ്തു. സയ്യിദ് അബ്ദുൽ ഫത്താഹ് അഹ്ദൽ അവേലം, സയ്യിദ് ശറഫുദ്ദീൻ ജമലുല്ലൈലി, മജീദ് കക്കാട് പ്രകാശന ചടങ്ങിന് നേതൃത്വം നൽകി. ഏപ്രിൽ 15ന് ഉച്ചക്ക് ഒന്നു മുതൽ പുലർച്ചെ ഒന്നുവരെ നടക്കുന്ന ആത്മീയ സമ്മേളനത്തിന് ലോകപ്രശസ്ത പണ്ഡിതരും സാദാത്തുക്കളും നേതൃത്വം നൽകും. ഇന്ത്യൻ ഗ്രാൻഡ് മുഫ്തി കാന്തപുരം എ പി അബൂബക്കർ മുസ്‌ലിയാരുടെ വാർഷിക പ്രഭാഷണവും നടക്കും. ഖത്മുൽ ഖുർആൻ, വിർദുലത്തീഫ്, തൗബ, തഹ്‌ലീൽ, അസ്മാഉൽ ഹുസ്ന, ഇഅതികാഫ് ജൽസ, ഗ്രാൻഡ് ഇഫ്താർ തുടങ്ങി വിവിധ ആത്മീയ പ്രാർത്ഥനാ സദസ്സുകൾ സംഘടിപ്പിക്കും. ദക്ഷിണേന്ത്യയിലെ വിവിധ സംസ്ഥാനങ്ങളിൽ നിന്നുള്ള പതിനായിരക്കണക്കിന് പേർ സമ്മേളനത്തിൽ പങ്കെടുക്കാനെത്തും.

മർകസ് കോംപ്ലക്സിൽ നടന്ന പ്രചാരണ പോസ്റ്റർ പ്രകാശന ചടങ്ങിൽ സയ്യിദ് അബ്ദുലത്തീഫ് അഹ്ദൽ, സയ്യിദ് അൻസാർ അഹ്ദൽ അവേലം, സയ്യിദ് സ്വാലിഹ് ജിഫ്‌രി കുറ്റിച്ചിറ, സയ്യിദ് മുഹമ്മദ് ബാഫഖി, മുഹമ്മദലി സഖാഫി വള്ളിയാട്, അബ്ദുലത്തീഫ് സഖാഫി പെരുമുഖം, നാസർ സഖാഫി അമ്പലക്കണ്ടി, അബൂബക്കർ സഖാഫി പറവൂർ സംബന്ധിച്ചു.