Dublin
കോഴിക്കോട് ജില്ലാ പഞ്ചായത്ത് സംഘടിപ്പിക്കുന്ന 'ഗാന്ധി പഥം തേടി' ദേശീയ യാത്രക്ക് പുറപ്പെടുന്ന ദിൽ അൻഫാദിന് കാരന്തൂർ മർകസ് ബോയ്സ് സ്കൂളിലെ സഹപാഠികൾ നൽകിയ യാത്രയയപ്പിൽ പ്രധാനാധ്യാപകൻ പി അബ്ദുന്നാസർ പൊന്നാട അണിയിക്കുന്നു.
കാരന്തൂർ: കോഴിക്കോട് ജില്ലാ പഞ്ചായത്ത് സംഘടിപ്പിക്കുന്ന ദേശീയ യാത്രക്ക് പുറപ്പെടുന്ന ദിൽ അൻഫാദിന് കാരന്തൂർ മർകസ് ബോയ്സ് സ്കൂളിലെ സഹപാഠികൾ യാത്രയയപ്പ് നൽകി. ഗാന്ധി പഥം തേടി എന്ന ശീർഷകത്തിലാണ് ജില്ലാ പഞ്ചായത്ത് 10 ദിവസത്തെ ദേശീയ യാത്ര സംഘടിപ്പിക്കുന്നത്. ഗുജറാത്ത് മുതൽ ഡൽഹി വരെയുള്ള സാംസ്കാരിക സ്ഥാപനങ്ങളും ചരിത്ര മ്യൂസിയങ്ങളും സന്ദർശിക്കുന്ന യാത്രയിൽ മർകസ് സ്കൂളിൻ്റെ പ്രതിനിധിയായാണ് പത്താംതരം വിദ്യാർഥി ദിൽ അൻഫാദ് പങ്കെടുക്കുന്നത്. കോഴിക്കോട് ജില്ലാ പഞ്ചായത്ത് പരിധിയിലെ എല്ലാ സ്കൂളുകളിൽ നിന്നുള്ള തിരഞ്ഞെടുക്കപ്പെട്ട വിദ്യാർഥികൾ യാത്രയിൽ പങ്കാളികളാവും.
സ്കൂളിൽ നടന്ന യാത്രയയപ്പ് ചടങ്ങ് ജില്ലാ പഞ്ചായത്ത് മെമ്പർ എം ധനീഷ് ലാൽ ഉദ്ഘാടനം ചെയ്തു. പ്രധാനാധ്യാപകർ പി അബ്ദുന്നാസർ പൊന്നാട അണിയിച്ചു. പി.സി ഖാദർ ഹാജി, കെ.പി മുഹമ്മദ് കോയ, പി.പി റഷീദ്, അബൂബക്കർ പി.കെ, മെഹബൂബ് കെ, അഹമ്മദ് കെ.വി പങ്കെടുത്തു.
മലേഷ്യന് പ്രധാനമന്ത്രിയും 20 ലോക പണ്ഡിതരും സംബന്ധിക്കും...
40 വര്ഷത്തെ പരിചയ സമ്പന്നനായ ഡോ. ഇഫ്തികാറുദ്ദീന് പരിശോധന നടത്തും...
മർകസിൽ നിന്നുള്ള തത്സമയ അപ്ഡേറ്റുകൾ വാട്സാപ്പിലൂടെ അറിയാം
