നോളജ് സിറ്റി: അന്ത്യപ്രവാചകര്‍ മുഹമ്മദ് നബി (സ്വ)യുടെ പിറവികൊണ്ട് അനുഗ്രഹീതമായ റബിഉല്‍ അവ്വല്‍ മാസത്തിലെ ആദ്യ തിങ്കളാഴ്ച മര്‍കസിന് കീഴില്‍ നടന്നുവരാറുള്ള അല്‍മൗലിദുല്‍ അക്ബറിന് ജാമിഉല്‍ ഫുതൂഹിലെത്തിയത് പതിനായിരങ്ങള്‍. സയ്യിദന്‍മാരുടെയും പണ്ഡിതന്മാരുടെയും പൗരപ്രമുഖന്‍മാരുടെയും നേതൃത്വത്തില്‍ മൗലിദുല്‍ അക്ബര്‍ മജ്‌ലിസും തിരുശേഷിപ്പുകളുടെ ബറക്കത്തെടുക്കലും നടന്നു. വിവിധ മൗലിദുകളുടെയും പ്രവാചക പ്രകീര്‍ത്തനങ്ങളുടെയും ആലാപനവും സംഗമത്തില്‍ നടന്നു.സംസ്ഥാനത്തിനകത്തു നിന്നും പുറത്തുനിന്നുമായി പതിനായിരക്കണക്കിന് വിശ്വാസികളാണ് സംഗമത്തിനെത്തിയത്. പുലര്‍ച്ചെ 5 മണി മുതല്‍ ആരംഭിച്ച മൗലിദുല്‍ അക്ബറില്‍  മര്‍കസ് പ്രസിഡന്റ് സയ്യിദ് അലി ബാഫഖി തങ്ങള്‍ അധ്യക്ഷത വഹിച്ചു. സമസ്ത കേരള ജംഇയ്യത്തുല്‍ ഉലമ പ്രസിഡന്റ് ഇ സുലൈമാന്‍ മുസ്‌ലിയാർ ഉദ്ഘാടനം ചെയ്തു. ഇന്ത്യന്‍ ഗ്രാന്‍ഡ് മുഫ്തി കാന്തപുരം എ. പി അബൂബക്കര്‍ മുസ്‌ലിയാർ സന്ദേശപ്രഭാഷണം നടത്തി.

സമസ്ത സെക്രട്ടറി പൊന്മള അബ്ദുല്‍ ഖാദിര്‍ മുസ്‌ലിയാർ, മര്‍കസ് ഡയറക്ടര്‍ സി. മുഹമ്മദ് ഫൈസി, ഡോ. മുഹമ്മദ് അബ്ദുല്‍ ഹകീം അസ്ഹരി, എം എല്‍ എമാരായ അഡ്വ. പി ടി എ റഹീം, അഡ്വ. ടി സിദ്ദീഖ് സംസാരിച്ചു. സയ്യിദ് ഹാമിദ് ഇമ്പിച്ചിക്കോയ, സയ്യിദ് തുറാബ് അസ്സഖാഫി, ഹുസൈന്‍ സഖാഫി ചുള്ളിക്കോട്, കെ കെ അഹമദ് കുട്ടി മുസ്‌ലിയാർ കട്ടിപ്പാറ, അബൂ ഹനീഫല്‍ ഫൈസി തെന്നല, വി പി എം ഫൈസി വില്ല്യാപ്പള്ളി, സയ്യിദ് ശറഫുദ്ദീന്‍ ജമലുല്ലൈലി ചേളാരി, സയ്യിദ് ഹബീബ് കോയ തങ്ങള്‍ ചെരക്കാപറമ്പ്, സയ്യിദ് ശിഹാബുദ്ദീന്‍ അഹ്ദല്‍ മുത്തനൂര്‍, സി പി ഉബൈദുല്ല സഖാഫി, ഫിര്‍ദൗസ് സഖാഫി കടവത്തൂര്‍, എന്‍ അലി അബ്ദുല്ല, എ സൈഫുദ്ദീന്‍ ഹാജി സംബന്ധിച്ചു.