കാരന്തൂർ: ബലിപെരുന്നാളിനോടനുബന്ധിച്ച് വിശേഷ കർമങ്ങളെയും ഉള്ഹിയ്യത്തിനെയും സംബന്ധിച്ച് മർകസിൽ പഠന സംഗമം നടത്തി. കൾച്ചറൽ & എൻവിറോൻമെന്റ് ഡിപ്പാർട്മെന്റിന്റെ ആഭിമുഖ്യത്തിൽ സംഘടിപ്പിച്ച പഠന ക്ലാസിൽ മർകസ് മുദരിസ് മുഹ്‌യിദ്ദീൻ സഅദി കാമിൽ സഖാഫി കൊട്ടുക്കര വിഷയാവതരണം നടത്തി. അല്ലാഹുവിന്റെ പരീക്ഷണങ്ങളിൽ വിജയിച്ച ഒരു കുടുംബത്തിന്റെ അനുസ്മരണമാണ് ബലിപെരുന്നാളെന്നും പരീക്ഷണങ്ങളിൽ അല്ലാഹുവിനെ ഓർക്കാനും ക്ഷമിക്കാനും വിശ്വാസികളെ അത് സജ്ജരാക്കണമെന്നും അദ്ദേഹം പറഞ്ഞു. ബലിപെരുന്നാൾ അനുഷ്ഠാനങ്ങളെയും ബലികർമത്തെയും സംബന്ധിച്ചുള്ള സംശയങ്ങൾ സംഗമത്തിൽ ചർച്ചചെയ്തു. വിഎം അബ്ദുറശീദ് സഖാഫി ഉദ്ഘാടനം ചെയ്തു. ഉനൈസ് മുഹമ്മദ് അധ്യക്ഷത വഹിച്ചു. അബൂബക്കർ ഹാജി കിഴക്കോത്ത്, അഡ്വ. മുസ്തഫ സഖാഫി, അശ്‌റഫ് കാഞ്ഞിര, അക്ബർ ബാദുഷ സഖാഫി, അബ്ദുലത്തീഫ് സഖാഫി പെരുമുഖം, ഉസ്മാൻ സഖാഫി വേങ്ങര സംബന്ധിച്ചു.