കോഴിക്കോട്: ദേശീയ മെഡിക്കൽ പ്രവേശന പരീക്ഷ നാഷണൽ എലിജിബിലിറ്റി കം എൻട്രൻസ് ടെസ്റ്റിൽ (നീറ്റ്) ഉന്നത റാങ്കുകൾ കരസ്ഥമാക്കി മർകസ് ജാമിഅ മദീനത്തുനൂർ വിദ്യാർത്ഥികൾ. 720ൽ 706 മാർക്ക് നേടി ഹാഫിസ് മുഹമ്മദ് ശാഫി ആൾ ഇന്ത്യ റാങ്കിങ്ങിൽ 688ഉം ഒ ബി സി വിഭാഗത്തിൽ 249ാം റാങ്കും കരസ്ഥമാക്കി. ജാമിഅ മദീനത്തന്നൂർ ബൈത്തുൽ ഇസ്സയിൽ ബാച്ചിലർ മൂന്നാം വർഷ വിദ്യാർത്ഥിയാണ്. കോഴിക്കോട് നടമ്മൽപൊയിൽ സ്വദേശികളായ അഹമ്മദ് കുട്ടി - മൈമൂന ദമ്പതികളുടെ മകനാണ്.

ബൈത്തുൽ ഇസ്സയിലെ തന്നെ ബാച്ചിലർ ആദ്യവർഷ വിദ്യാർഥികളായ ഹാഫിസ് മുഹമ്മദ് ശിബിലിയും മുഹമ്മദ് മിദ്ലാജും ആൾ ഇന്ത്യ റാങ്കിങ്ങിൽ യഥാക്രമം 5298, 2688ഉം കരസ്ഥമാക്കി. വിജയികളെ ജാമിഅ മദീനത്തുനൂർ ഫൗണ്ടർ കം റെക്ടർ എ പി മുഹമ്മദ് അബ്ദുൽ ഹകീം അസ്ഹരിയും അക്കാദമിക് കൗൺസിലും അഭിനന്ദിച്ചു.