നോളജ് സിറ്റി: ക്യാന്‍സര്‍ രോഗം മൂലം കീമോതെറാപ്പിയും സര്‍ജറിയുമെല്ലാം കഴിഞ്ഞ് അതിജീവനം നടത്തുന്നവര്‍ക്കായി മര്‍കസ് നോളജ് സിറ്റിയില്‍ വെല്‍നെസ്സ് ആരംഭിച്ചു. 'നമുക്ക് ഒരുമിച്ച് പോരാടാം' എന്ന വാക്യത്തോടെയാണ് നോളജ് സിറ്റിയിലെ മിഹ്റാസ് മര്‍കസ് യൂനാനി മെഡിക്കല്‍ കോളജില്‍ 'പോസ്റ്റ് കീമോ വെല്‍നെസ്സ്' ആരംഭിച്ചിരിക്കുന്നത്. രോഗത്തെ അതിജീവിച്ചുകൊണ്ടിരിക്കുന്നവര്‍ക്കാവശ്യമായ മാനസിക പിന്തുണ ഉറപ്പുവരുത്തുന്നതോടൊപ്പം വിദഗ്ധ ഡോക്ടര്‍മാരുടെയും മറ്റ് ആരോഗ്യ പ്രവര്‍ത്തകരുടെയും സേവനവുമാണ് വെല്‍നെസ്സ് വഴി ലഭ്യമാക്കുന്നത്. കൂടാതെ, രോഗികള്‍ക്ക് ആവശ്യമായ ചികിത്സകളും ഇവിടെ സജ്ജീകരിക്കുന്നുണ്ട്. കൂടുതല്‍ വിവരങ്ങള്‍ക്ക് +91 6235 998 811 എന്ന നമ്പറില്‍ ബന്ധപ്പെടാവുന്നതാണെന്ന് അധികൃതര്‍ അറിയിച്ചു.